A CANZONA D'I CAMPIONI

Ghjuvan Dumenicu POLI  Carghjese u 9 Maghju 1987

Femu festa in paese, inde tuttu lu cantone, chi l'AS di Carghjese, sta sera hè lu campione

ripigliu: Parampamperu-peru,Parampamperu-peru,Parampamperu-peru, param-pam-pan! param-pam-pan!

E viva lu so capitanu, di nome chjamatu Antone, quandu parte da luntanu, si sente di o chi lione

Ripigliu

Bravi li fratelli Poggi, chi so li nostri duttori, quelli di l'altri assoggi, veddenu i centu culori

Ripigliu

Issi tre ghjucadori, chi so li fratelli Donzella, Elli a li matamori, li strighjenu la canella

Ripigliu

Incu i fratelli Colonna, u maio e u chjucarellu, passa una cattiva stonda, a chi face lu scatravellu

Ripigliu

L'Alessandri dui fratelli, passiunati di ballone, curagiosi sti ghjuvanelli, e sempre pronti a l'azzione

Ripigliu

Incu i dui furesteri, Belgodere e Discala, l'adiversariu a li pinseri, un sa s'ellu colla o s'ellu falla

Ripigliu

Po c'hè Anghjulu Susini, lestru quante lu fullettu, incun'ellu l'aguzini, i partenu in catalettu

Ripigliu

Thierry lu piu gjhuvanellu, hè da tutti rimarcatu, dui buti su zitellu, per la so squadra a marcatu

Ripigliu

Aggile cum'un falchettu, issu grande portiere, Alain mette lu pachettu, chi ghjè goal di mistieru

Ripigliu

Tutti li rimpiazzanti, e li vechji ghjucadori, e tutti li licinciati, so anch'elli a l'onori

Ripigliu

E po l'intrinatore, numatu Santu Susini, face core lu gjucadore, ancu nantu a i zini

Ripigliu

C'hè lu ghjudice Cinotti, incu lu so stracciu biancu, chi mena qualchi cazzottu, e si tene sempre in fiancu

Ripigliu

I vechji so rimpiazzatti, da li chjuchi di Corsetti, risaluti ed'addistratti, saltanu cume cabretti

Ripigliu

Visti lu risultatu, di la squadra di Carghjese, u meri fara lu stadu, e grandara lu paese

Ripigliu

E viva a li spettatori, chi v'hannu sempre suvitatu, cu sustegnu e favori, per ghjunghj'a su risultatu

Ripigliu

Alessandri Antone, di la squadra hè lu puntellu, in ogni situazione,allegru cume un zitellu

Ripigliu

La piu bella fantesia, sara per lu présidente, chi diregge cun armonia, e lascia critica la ghjente

Ripigliu

Dumandaremu un favore, per 88 a lu Signore, chi l'A.S. in ascinzione, sia torna campione